Ish-Drejtuesi i Lartë i Policisë së Shtetit, Arben Hajdarmataj, ka komentuar atentatin e kryer në Vlorë, duke shprehur bindjen se vrasja mund të jetë kryer për shkaqe hakmarrjeje. Ai ka theksuar se inkriminimi i babait të viktimës dhe një atentat i kryer më herët ndaj xhaxhait të tij mund të kenë lidhje me ngjarjen. Hajdarmataj vlerëson se atentati ka qenë i mirëorganizuar dhe vrasja është kryer nga profesionistë me pagesë. Ai ka theksuar gjithashtu se grupet kriminale sot po stërvitin të rinj dhe adoleshentë për të kryer vrasje të kësaj natyre. Hajdarmataj ka sugjeruar se objektivi i grupit kriminal mund të jetë vetëm hakmarrja dhe se ky ngjarje mund të ketë lidhje brenda familjes.

“Unë jam i mendimit se nëse ka dalë pista e ngatërresës së objektivit, ky i fundit duhet të jetë brenda familjes. Inkriminimi i babait të tij dhe atentati i mëparshëm ndaj xhaxhait mund të kenë lidhje. Mosha e re e tij përjashton deri në një farë mase pistën e lidhjes me krimin, sa të jetë aq problematik dhe të jetë objektiv për aktivitetin e tij personal. Për shkak të hakmarrjes, mund të ketë qenë objektiv. Qëllimi i grupit kriminal mendoj se është vetëm hakmarrja.
Atentati është i mirëorganizuar dhe gjithçka është bërë e llogaritur. Viktima është ndjekur. Unë medoj se objektivi është brenda fmailjes. Sa i përket shumës, është te mënyra e realizimit. Makina dhe armët nuk janë aq të kushtueshme, por ka qenë siguria që ka kërkuar grupi. Është patjetër një vrasje me pagesë e kryer nga profsionistë.
Kjo nuk ka të bëjë me ish-përdorues të armëve të tilla. Sot grupet stërvisin adoleshentë për të realizuar krime të tilla. Nëse do të marrim ish-punonjës policie apo efektivë të tjerë, janë një numër i pakët jashtë shërbimi”, u shpreh ai.