Gjykata ka vendosur masën e arrestit me burg për Kledi Tirollarin, 29-vjeçarin që u kap në lidhje intime me një 12-vjeçare në qytetin e Korçës dhe bashkëjetonte me të nënën e vajzës. Rasti u zbulua nga nëna e vajzës pasi vuri re foto dhe biseda të dyshimta në telefon. Avokati i Tirollarit, Denis Mekolli, tha se klienti nuk ka pranuar autorësinë dhe ka kërkuar të mos caktohet asnjë masë sigurimi personal nëse nuk provohet fajësia e tij. Mekolli shtoi se është bërë kërkesa për ekspertim mjeko ligjor ndaj të miturës dhe se deri tani nuk ka prova konkrete për të mbështetur deklaratat e nënës së vajzës. Rasti aktual ka shqetësuar opinionin dhe vazhdon të hetohet për të zbuluar të gjitha detajet dhe siguruar drejtësi.
Avokati Denis Mekolli:
Nuk ka pranuar autorësinë, pretendon se vajza e mitur ka jetuar në shtëpinë e tij, bashkë me nënën që ishte në lidhje martesore me babain e tij.
Deri në këto momente sështë kryer akti i ekspertimit mjeko ligjor ndaj të miturës. Kemi kërkuar të mos caktohej asnjë mase sigurimi personal sepse nuk provohet.
Jemi para deklarimeve të nënës së të miturës, nuk ka asnjë provë konkrete. Rasti është denoncuar 2-3 ditë më parë, ka patur problematikë me të atin e të ndaluarit, pas kësaj është bërë edhe kallëzimi në polici.
