Në qytetin e Vlorës, policia e shtetit ka arrestuar 3 adoleshentë, të cilët akuzohen për vjedhje me dhunë ndaj një 70-vjeçari. Incidenti ka ndodhur në lagjen “Pavarësia 2”, ku adoleshentët, me inicialet P.K. (16 vjeç), K.K. (16 vjeç), dhe A.A. (15 vjeç), i kanë marrë me dhunë një shumë parash nga të moshuari.
Operacioni policor i koduar “Storm 11” ka përfunduar me sukses, duke rezultuar në identifikimin, kapjen dhe arrestimin e adoleshentëve të dyshuar. Shërbimet e Komisariatit të Policisë Vlorë kanë punuar intensivisht për të goditur veprimtarinë kriminale dhe për t’u siguruar që autorët e dyshuar të përgjigjen penalisht për vjedhjen me dhunë.
Autorët e dyshuar, të cilët janë banues në lagjen Pavarsia, tani përballojnë akuzat e vjedhjes me dhunë, pasi i morën me forcë një shumë parash nga 70-vjeçari. Materialet procedurale janë kaluar te Prokuroria pranë Gjykatës së Shkallës së Parë të Juridiksionit të Përgjithshëm Vlorë, për hetime të mëtejshme dhe veprime ligjore.
Njoftimi i Policisë:
Vlorë/Shërbimet e Komisariatit të Policisë Vlorë, angazhim maksimal në kuadër të operacionit “Sundimi i ligjit”, për evidentimin dhe goditjen e veprimtarive kriminale dhe vënien përpara përgjegjësisë penale të shtetasve që i kryejnë ato.
Finalizohet operacioni policor i koduar “Storm 11”.
I morën me dhunë një shumë parash, një 70-vjeçari, si rezultat i veprimeve intensive hetimore, identifikohen, kapen dhe vihen në pranga 3 autorët e dyshuar.
Shërbimet e Komisariatit të Policisë Vlorë, në vijim të punës për goditjen e veprimtarisë kriminale në fushën e vjedhjes së pronës dhe pasurisë, pas njoftimit të marrë se tre shtetas, në bashkëpunim me njëri-tjetrin, i kishin vjedhur me dhunë, një shumë parash, një shtetasi, në lagjen “Pavarësia”, menjëherë kanë organizuar punën për identifikimin dhe kapjen e tyre. Si rezultat i veprimeve profesionale u bë identifikimi, kapja dhe arrestimi i tre autorëve të dyshuar, shtetasve:
P. K., 16 vjeç, K. K., 16 vjeç dhe A. A., 15 vjeç, të tre banues në Vlorë.
Nga veprimet hetimore dyshohet se këta tre shtetas, në bashkëpunim me njëri-tjetrin, më datë 07.01.2024, në lagjen “Pavarësia 2”, i kanë marrë me dhunë një shumë parash, një 70-vjeçari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
