Ditën e sotme, eshte zhvilluar ceremonia mortore për Gëzim Sinomatin, 23-vjeçarin që u ekzekutua me snajper në ballkonin e tij në Vlorë dy ditë më parë. I pranishëm në këtë ngjarje është edhe i ati i të ndjerit, Sokol Sinomati, i cili ka marrë leje nga burgu për të qenë prezent në varrimin e të birit. Ndërkohë, policia e shtetit ka angazhuar forca të mëdha për sigurimin dhe mbarëvajtjen e kësaj ceremonie.

Gëzimi Sinomati, që jetonte në Belgjikë dhe ishte kthyer në Vlorë për festat e fundvitit, dyshohet se u ekzekutua për shkaqe të lidhura me aktivitetet kriminale të të atit, Sokol Sinomati, si pjesë e një bande kriminale disa vite më parë.

Kjo ngjarje ka shokuar komunitetin dhe është pjesë e një dukurie alarmante të shtimit të dhunës kriminale në qytetin e Vlorës. Investigimet për zbardhjen e rrethanave dhe identifikimin e autorëve vijojnë nga autoritetet kompetente.