Presidenti i Ekuadorit, Daniel Noboa, njoftoi të martën se vendi po përjeton një “konflikt të brendshëm të armatosur,” pas sulmit të një grushti të armatosur mbi një stacion televiziv në qytetin port të Guajakilit. Grupi i sulmuesve i pajisur me maska, armë dhe eksplozivë sulmoi stacionin gjatë një transmetimi të drejpërdrejtë, duke shkaktuar tensione të mëdha.

Autoritetet ekuadoriane arrestuan 13 persona të armatosur, të cilët u akuzuan për terrorizëm, pasi ata qëlluan me armë në studio të stacionit televiziv. Nuk ka pasur lëndime në këtë sulm.

Ngjarja ka ndodhur pas arratisjes së Adolfo Macias, kreu i bandës së trafikut të drogës Los Choneros, i njohur si “Fito”, nga burgu i Guayas. Kriza ka shpërthyer nëpër vend me rrëmbimet e oficerëve policie dhe shpërthjen e bombave në disa vende.

Presidenti Noboa ka shpallur gjendjen e jashtëzakonshme për 60 ditë dhe ka klasifikuar mbi 20 banda të trafikut të drogës si organizata terroriste. Kjo ka ndodhur për të adresuar dhunën dhe krimin e organizuar që ka prekur vendin, veçanërisht me arratisjen e personave të kërkuar për trafik droge.

Ndërkohë, vendet fqinje si Perua, Brazili, Kili dhe Kolumbia kanë shprehur mbështetje për autoritetet ekuadoriane, ndërsa Kina ka mbyllur ambasadën dhe konsullatat e saj në vend, duke reflektuar shqetësimet për sigurinë dhe situatën e tensionuar në Ekuador.