Një ngjarje e rëndë ka tronditur Malin e Zi, pasi një efektiv policie është arrestuar për dyshimet se ka tentuar të dhunojë seksualisht një fqinje të tij të mitur. Polici, i identifikuar si shtetasi D.L, 54-vjeç, është kapur nga autoritetet pasi kishte ftuar një vajzë 13-vjeçare të shkonte për të ndjekur një ndeshje me fëmijët e tij dhe më pas ka kryer tentativën e dhunës seksuale.
Ndërsa vajza kalonte pranë shtëpisë së tij, policia është dyshuar se e ka ftuar atë dhe më pas ka tentuar ta sulmojë. Vajza i ka njoftuar menjëherë prindërit për ngjarjen, dhe ata kanë informuar autoritetet.
Mediat malazeze raportojnë se vajza ka arritur ta shpëtojë veten nga situata duke iu larguar nga shtëpia e efektivit polic. Drejtoria e Policisë ka konfirmuar zyrtarisht arrestimin e tij dhe po heton ngjarjen e rëndë.
Mediat malazeze raportojnë se ndërsa vajza ka qenë duke kaluar pranë shtëpisë së tij, polici i identifikuar si shtetasi D.L 54-vjeç, e ka ftuar 13-vjeçaren të ndjekë ndeshjen me fëmijët e tij dhe më pas ka tentuar ta sulmojë.
Raportohet se vajza ka njoftuar prindërit se do të ishte në shtëpinë e fqinjëve dhe pas disa minutash është kthyer me nxitim në shtëpi ku u ka treguar prindërve për ngjarjen.
“Efektivi ka qenë vetëm në shtëpi dhe menjëherë ka filluar ta përkëdhelë dhe ka tentuar ta puthë. Ajo e ka larguar dhe ka ikur në shtëpi”, raportojnë mediat malazeze.
Drejtoria e Policisë ka konfirmuar zyrtarisht informacionin për arrestimin e efektivit.
