Një tragjedi e rëndë ka ndodhur në Greqi, ku 50-vjeçari shqiptar, Fation Tarellari, ka vrarë kunatin e tij, 33-vjeçarin Erion Pelivani. Motivi i këtij sulmi duket se lidhet me pretendimet se kunati kishte abuzuar seksualisht me vajzën e Tarellarit dhe e kishte kërcënuar me publikimin e materialeve të ndjera në këmbim të parave.

Fation Tarellari ka dëshmuar para mediave greke se ka thirrur Pelivanin për të kërkuar llogari për veprimet e tij ndaj vajzës së tij. Ndërkohë, kunati ka kundërshtuar dhe ka tentuar të marrë armën e tij, duke sjellë një konfrontim fizik. Në këtë moment, Tarellari pretendon se ka qëlluar instinktivisht, pa menduar për pasojat.

Sot, Tarellari u paraqit para gjykatës në Greqi dhe u la në arrest shtëpie. Ngjarja ka tronditur opinionin dhe është në fokus të mediave lokale për shkak të natyrës tragjike dhe motivit të rëndësishëm që ka shpërfaqur pas sulmit.

“E thirra atje për ta bërë të rrëfejë se ka përdhunuar vajzën time. Ai ishte sa trefishi im, nuk kishte fare frikë nga unë, nuk më llogariti. M’u afrua dhe tentoi të më merrte armën dhe më goditi, donte të më vriste. Në atë moment qëllova instinktivisht pa menduar për gjërat e tjera”, ka deklaruar 50-vjeçari, sipas avokatit të tij, Alexis Kouya.

Kujtojmë se sot Fation Tarellari doli para gjykatës dhe u la në arrest shtëpie.