Kryetari i Partisë Demokratike, Lulzim Basha, ka mbajtur një konferencë për media duke komentuar kaosin dhe pengesat e krijuara nga deputetët e Rithemelimit në punimet e Komisionit për Reformën Zgjedhore. Basha akuzoi se ky skenar është rezultat i një strategjie të koordinuar nga kreu i qeverisë, Edi Rama, dhe Partia Socialiste (PS), duke theksuar se ata nuk duan ta ndërrojnë sistemin zgjedhor dhe të përfshijnë listat e hapura.
Basha nënvizoi se reforma zgjedhore është një prej çështjeve kryesore dhe thelbësore për të siguruar barazinë e votës dhe rregulla të drejta loje për zgjedhjet e ardhshme. Megjithatë, ai akuzoi qëndrimin e koordinuar të PS-së dhe përpjekjet për shmangur diskutimet mbi listat e hapura dhe rregullat e tjera të reformat zgjedhore.
“Çështja e tretë, reforma zgjedhore. Teatri i reformës zgjedhore, me regji të Edi Ramës. Ka një komplot, duke nisur nga Rama dhe PS dhe të tjerë që bëjnë sikur shahen ditën e bëjnë pazare ditën, që të mos e lejojnë listën e hapur. Zgjedhjet bëhen në pranverë 2025, ndaj duhet që të vendosen sot rregulla loje për barazinë e votës. Diskutohet për gjithçka përveç kësaj çështje.
Përpjekje për ta na hequr nga këto çështje, dikur me tym e shfaqje. Shfaqja e sotme ishte shfaqje e mirëkoordinuar. Sikurse edhe shfaqja e para dy ditëve që buburrecëve që sulmuan zonjat deputetë, për të hequr vëmendjen e këtyre çështjeve nga qytetarët shqiptarë. Listat e hapura, barazia e votës, Shqipëria një zonë elektorale, i jepet fundi se ku do votojë diaspora. Me votë preferenciale që na çon të votimi dhe numërimi elektronik.
Shfaqje si e sotmja i shërbejnë vetëm atyre që nuk e duan reformën zgjedhore. Siç e tha dhe Alibeaj, ky është një kurth në të cilin nuk do arrijnë ta fusin kollaj PD”, tha Basha.
