Kreu i Partisë së Lirisë, Ilir Meta, ka shprehur nderimet dhe respektin e tij në një postim në rrjetin social Facebook me rastin e 18-vjetorit të vdekjes së ish-presidentit të Kosovës, Ibrahim Rugova.
Ilir Meta shkruan se vizioni euroatlantik i Ibrahim Rugovës, burrit të madh shteti, për një Kosovë të lirë, të pavarur, të integruar në Bashkimin Evropian dhe NATO, është trashëgimi e cila do të mbetet si frymëzim për mbrojtjen e çështjes kombëtare. Ai gjithashtu e vlerëson modelin e urtësisë dhe largpamësisë të Rugovës, duke thënë se ky trashëgim do të mbetet gjithmonë një burim frymëzimi për forcimin e paqes dhe bashkëjetesës në rajon.
Ilir Meta përkujton me mirënjohje dhe respekt kujtimin dhe veprën e paharruar të Presidentit historik të Kosovës, Ibrahim Rugova.
🇦🇱🇽🇰 Në ditën e kalimit të Tij në përjetësi nderojmë me mirënjohje dhe respekt kujtimin dhe veprën e paharruar të Presidentit historik të Kosovës, Ibrahim Rugova.
Vizioni euroatlantik i këtij burri të madh shteti për Kosovën e lirë dhe të pavarur, të integruar plotësisht në BE dhe në NATO, për forcimin e paqes dhe bashkëjetesës në rajonin tonë, por edhe modeli i urtësisë dhe largpamësisë që na la trashëgim do të mbeten përherë frymëzim për mbrojtjen e çështjes kombëtare!