Pas përfundimit të marrjes në pyetje në Strukturën e Përbashkët të Prokurorisë (SPAK), ish-Kryeministri Sali Berisha u ndal të flasë për mediat në ambientet e jashtme të Prokurorisë. Në kohën e pyetjeve, Berisha u pyet në lidhje me masën e sigurisë “arrest në shtëpi” dhe nëse ka frikë për këtë masë, duke folur me qytetarë dhe gazetarë.

Në përgjigjen e tij, ish-Kryeministri tregoi indiferencë ndaj masës së sigurisë dhe pohoi se nuk njeh ligj tjetër përveç atij të fjalës së lirë.

“Ajo është një masë staliniste që tregon frikën dhe tmerrin nga fjala e Berishës. Sa i përket komunikimit, po më dolën gazetarët përpara, harrojë ti se unë njoh ligji tjetër përveç komunikimit me ta dhe fjalës së lirë”, tha Berisha.

I pyetur mbi të ardhmen e opozitës në kushte të tilla, Berisha u përgjigj shkurtimisht duke thënë: “Fitore e sigurtë!”