Ministri i Mbrojtjes shqiptar, Niko Peleshi, ka zhvilluar një vizitë zyrtare në Zagreb, me ftesë të Zëvendëskryeministrit dhe Ministrit të Mbrojtjes të Kroacisë, Z. Ivan Anuši?. Qëllimi i vizitës ishte thellimi i marrëdhënieve dypalëshe, me fokus në fushën e sigurisë dhe mbrojtjes, si dhe trajtimin e çështjeve aktuale të rajonit të Ballkanit Perëndimor. Gjatë kësaj vizite, u nënshkrua një Memorandum i ri për Bashkëpunim në Siguri dhe Mbrojtje.

Ministri Peleshi shprehu kënaqësinë për marrëdhëniet e ngushta midis Shqipërisë dhe Kroacisë, veçanërisht në kuadër të anëtarësimit të dy vendeve në NATO, që këtë vit festojnë 15-vjetorin. Ai vlerësoi rolin e Kroacisë në Ballkan dhe mbështetjen e saj në proceset integruese euro-atlantike për vendeve të rajonit. Ministri Peleshi gjithashtu theksoi bashkëpunimin e vazhdueshëm mes dy vendeve në kuadër të NATO-s dhe iniciativave rajonale.

Shqipëria dhe Kroacia janë bashkudhëtare në një nga rrugëtimet më të rëndësishme, anëtarësimin në NATO e që këtë vit dy vendet shënojnë 15 vjetorin në NATO, duke qenë krenarë për pozicionin tonë në përmbushjen e detyrimeve për paqen dhe sigurinë tonë të përbashkët”.

Në takimet me Presidentin dhe Kryeministrin kroat, ministri Peleshi prezantoi zhvillimet politike dhe reformave të ndërmarrura në fushën e sigurisë dhe mbrojtjes në Shqipëri. Ai shprehu mirënjohjen për mbështetjen e Kroacisë në procesin e integrimit të Shqipërisë dhe për rolin e saj në sigurinë dhe paqen e Ballkanit Perëndimor. Nënshkrimi i një Memorandumi të ri për Bashkëpunim në Siguri dhe Mbrojtje shënon një hap të rëndësishëm drejt intensifikimit të bashkëpunimit mes dy vendeve, duke adresuar sfidat e reja dhe duke identifikuar fusha të reja të bashkëpunimit, përfshirë inovacionin, kibernetikën, industrinë e mbrojtjes, trajnimet, dhe edukimin.

Gjatë kësaj vizite, Ministri i Mbrojtjes Peleshi u prit në takime të veçanta nga Presidenti i Republikës së Kroacisë, Z. Zoran Milanovi? dhe Kryeministri Z. Andrej Plenkovic. Ministri Peleshi i njohu dy krerët e shtetit kroat me zhvillimet e fundit politike në Shqipëri si dhe me reformat e ndërrmarra së fundmi në fushën e sigurisë dhe mbrojtjes. Edhe në bisedë me Presidentin dhe Kryeministrin, ministri Peleshi shprehu edhe njëherë mirënjohjen për mbështetjen që Kroacia ka ofruar gjithmonë për integrimin e Shqipërisë, por dhe në rolin që ajo luan për sigurinë dhe paqen e Ballkanit Perëndimor.