Pas vendimit të Bankës Qendrore të Kosovës për ndaluar përdorimin e dinarit në favor të euros, Franca ka reaguar duke kërkuar pezullimin e menjëhershëm të kësaj mase. Në një deklaratë, Ministria e Punëve të Jashtme franceze shprehet se vendimi i bankës kosovare është marrë me ngut dhe në mënyrë të pakoordinuar. Autoritetet franceze theksojnë se ky vendim do të ketë pasoja në jetën e përditshme të komunitetit serb në Kosovë, i cili përdor dinarin serb për pagesa të shumta.

Parisit i shqetëson se ky vendim është marrë pa zgjidhur alternativa dhe kërkon një pezullim të menjëhershëm për të lejuar një periudhë tranzicioni. Franca bën thirrje për gjetjen e një zgjidhjeje alternative nëpërmjet negociatave, duke vlerësuar se ky është një çështje që duhet të adresohet në kuadër të dialogut të udhëhequr nga Bashkimi Evropian.

“Në mungesë të zgjidhjeve alternative deri më sot, Franca kërkon pezullimin e menjëhershëm të kësaj mase për të siguruar një periudhë të mjaftueshme tranzicioni. U bëjmë thirrje autoriteteve të Kosovës që të gjejnë një zgjidhje përmes negociatave në kuadër të dialogut të udhëhequr nga Bashkimi Evropian”, thuhet në deklaratë.