Avokati i Sibora Gaganit ka sjellë detaje të reja në lidhje me rastin e vrasjes së saj në Spanjë në vitin 2014. Partneri i mëparshëm i Siborës, Marko Romeo, ka deklaruar në një letër drejtuar gjykatës se ai nuk ka qenë vrasësi i saj, por vetëm ka murosur trupin në apartamentin e tyre. Sipas tij, Sibora është vrarë nga mafia shqiptare pasi nuk i kishte paguar një borxh, dhe kishte marrë kërcënime se do të vritej nëse nuk zhdukte trupin.

Avokati theksoi se çështja e zhdukjes së Siborës nuk është trajtuar me seriozitet dhe pretendon se Marko Romeo nuk pranon dot vrasjen e Siborës, duke theksuar se ai e ka murosur nën presionin e mafias shqiptare. Nëna e Siborës, sipas avokatit, ka qenë e bindur se Marko ishte vrasësi i saj, duke përmendur probleme të shumta në lidhje me sjelljen dhe karakterin e tij.

Juan Manuel: Çështjen e zhdukjes së Siborës nuk e kanë trajtuar si një zhdukje të shkallës së lartë. Nëse Marko do ishte marrë që në 2014 në pyetje dhe pyetjet do ishin trajtuar me seriozitetin e duhur, zhdukja e saj do ishte trajtuar siç duhet.

Kur në media u publikua se Marko ka vrarë gruan e tij Paola, sipas avokatit, ish-punëdhënësi i Siborës i ka dërguar artikullin nënës së saj. Nëna e saj, siç tregon avokati ka thënë se ishte e sigurt që ai ishte vrasësi i së bijës, pasi kishin gjithë kohës debate, ishte posesiv dhe problematik.

Avokati: Marko nuk e pranon vrarjen e Siborës, ai ka dëshmuar që vrasjen e Siborës se ka kryer mafia shqiptare për shkak të një borxhi që kishte. Në fillim Marko ka deklaruar për policinë se e ka vrarë dhe e murosur, por tani përmes letrës që ka dërguar në gjykatë, e ka tërhequr. Kërkon të marrë lehtësirat në dënimin e tij. Sipas versionit që ai thotë, mafia shqiptare pasi e ka vrarë Siborën, e ka detyruar Markon ta murosë sepse ndryshe do e vrisnin dhe atë.