Nënkryetari i Komisionit Europian, Margaritis Schinas, ka shprehur shqetësimin e tij lidhur me çështjen e kryetarit të zgjedhur të Bashkisë së Himarës, Fredi Beleri. Ai theksoi se kjo çështje shqetëson dhe se do të insistojnë që të ndiqet një proces i rregullt. Schinas shtoi se pa një proces të drejtë dhe të rregullt, nuk do të ketë një korridor të qartë europian për Shqipërinë në rrugën e saj drejt Bashkimit Evropian. Fredi Beleri u arrestua dy ditë para zgjedhjeve lokale më 14 maj, duke u akuzuar për blerje votash në bashkëpunim me një tjetër person.

“Në raportin e vitit 2023 theksuam se kjo çështje ngre shqetësime dhe probleme serioze. Gjithashtu, vumë në dukje kërkesat e njëpasnjëshme për akordimin e lejes, si dhe dyshimet se diçka nuk u bë në mënyrën e duhur gjatë mbledhjes së materialit hetimor. Dua të jem shumë i qartë. Jo thjesht që nuk e harrojmë këtë çështje, por do të insistojmë që të ndiqet një proces i rregullt pa të cilin nuk do të ketë një korridor të qartë europian për Shqipërinë në rrugën e saj drejt Europës”, deklaroi nënkryetari i Komisionit Europian.