Mjekja psikiatre Ariana Rreli ka shprehur shqetësimet e saj në një emision televiziv rreth problematikave të depresionit dhe ankthit në shoqërinë shqiptare. Ajo vuri në dukje se ndërgjegjësimi për këto çështje është ende i vogël dhe se shqiptarët shpesh i përjashtojnë ato. Rreli theksoi rëndësinë e bashkëpunimit me familjarët e pacientëve dhe theksoi nevojën për trajtim të specializuar, duke parandaluar përdorimin e medikamenteve pa recetë, që mund të përkeqësojnë problemet dhe të shkaktojnë varësi.

Ajo gjithashtu diskutoi se gjumi dhe stresi janë dy problematika që prekin shumë njerëz dhe se mjekët duhet të zbulojnë bazën e problemeve për të përcaktuar trajtimin e duhur. Rreli shqetësohet për raste ekstreme si ai i një farmaciste që kishte përdorur një sasi të madhe ilaçesh pa konsultuar me mjekun, dhe theksoi nevojën për ndërgjegjësim dhe bashkëpunim për të trajtuar këtë çështje në një nivel më të lartë.

Rreli ka treguar dhe rastin e një vajze të re që ishte farmaciste e cila i ka ardhur për vizitë pasi kishte arritur në fazën që konsumonte 37 Xanax brenda ditës.

“Ajo ishte farmaciste, e kishte filluar me një me dy dhe kur erdhi e pash si një njeri të mbijetuar se si një njeri përballë meje kishte pirë 37 kokrra xanax, por ai njeri s’kishte bërë asnjë analizë se çfarë lloj dëmi i shkaktonte. Ky është një rast ekstrem, e kishte nisur që kur kishte qenë studente me provimet si një zgjidhje për të mpirë ankthin e momentit, pastaj avash avash, sepse ky grup medikamentesh këtë ka të keqe nuk janë andtidepresantë e fillon me pak dhe njësoj si drogat duhet të rrisësh dozën se nuk e merr dot efektin dhe kjo overdozë të çon pastaj në fatalitet.

Ajo mund të ketë pasur ndërgjegjësimin nga dikush tjetër që erdhi tek unë sepse vetë fliste shumë pak dhe mendoj se dikush tjetër e ka ndërgjegjësuar por iku duke më lënë mua të tmerruar. E gjeta veten pa armë për ta ndihmuar. Fytyra e saj e bardhë nuk më hiqet nga mendja, nuk e di se si mbijetonte.”, përfundoi mjekja psikiatre Ariana Rreli