Në një ngjarje të rëndësishme për procesin e vettingut në Shqipëri, Kolegji i Posaçëm i Apelimit do të shqyrtojë një çështje të rëndësishme që i përket ish-prokurores Antoneta Sevdarit. Çështja e parë në shkallën e dytë të vettingut do të rishikojë një vendim të mëparshëm të Kolegjit, në lidhje me shkarkimin e saj nga detyra dhe largimin e saj nga sistemi i drejtësisë për një periudhë prej 15 vitesh.

Rishikimi vjen pas një vendimi të Gjykatës Evropiane të të Drejtave të Njeriut në Strasburg, e cila gjeti se vendimi i shkarkimit ishte disproporcional dhe shkelje e të drejtës për jetën private të Sevdarit. Gjykata rekomandoi rihapjen e procesit si mënyrë për rivënien në vend të padrejtësisë së bërë.

Në vendim thuhet se: “Gjykata konsideron se, në bazë të vlerësimit të përgjithshëm të rrethanave të veçanta të çështjes, shkarkimi i aplikantes, bazuar në thelb në faktin se ajo nuk ishte në gjendje të provojë se bashkëshorti i saj pagoi taksat në një pjesë të të ardhurave nga aktivitete të ligjshme në dy dekadat e shkuara dhe në mungesë të ndonjë indicieje për keqbesim apo dhunim të qëllimtë nga vetë aplikanti, ishte disproporcional me synimet e ligjshme të procesit të vetingut,”.

Gjykata rekomandoi se rihapja e procesit ishte mënyra e duhur për rivënien në vend të padrejtësisë së gjetur.
Ish-prokurorja përfitoi edhe 24,600 euro dëmshpërblim për humbjet financiare të pësuara nga shkarkimi, dëmet jopasurore, si dhe kompensim për kostot e procesit.

Strasburgu theksoi se gjithashtu se rasti i Sevdarit, duhet të konsiderohet përjashtimor dhe nuk shërben për të hedhur poshtë në tërësi procesin e vettingut.
Strasburgu po ashtu ka gjetur shkelje edhe në rastin e shkarkimit të ish prokurorit dhe ish anëtarit të KLP-së Besnik Cani, por ende nuk dihet nëse për këtë subject do të ketë ose jo rishikim të vendimit.