Ministri për Evropën dhe Punët e Jashtme, Igli Hasani, thekson se marrëveshjet e nënshkruara në Ankara shënojnë një hap të rëndësishëm përpara dhe vlerësojnë partneritetin strategjik me Turqinë.

Duke raportuar për takimin e parë të Këshillit të Bashkëpunimit të Nivelit të Lartë Shqipëri-Turqi në Ankara, Hasani nënvizon progresin e shkëlqyer të këtij partneriteti dhe identifikimin e fushave prioritare për një bashkëpunim edhe më të ngushtë.

Ai thekson se si partnerë strategjikë, Shqipëria dhe Turqia janë të vendosur për të thelluar marrëdhëniet e tyre dhe miqësinë, duke vepruar në përputhje me rrethanat gjeopolitike në rajon, në Evropë dhe më gjerë.

Në postimin e tij në rrjetet sociale, Hasani shpreh besimin në të ardhmen e ndritur të këtij partneriteti dhe përparimin e bashkëpunimit mes dy vendeve.

Në takimin e parë të Këshillit të Bashkëpunimit të Nivelit të Lartë Shqipëri-Turqi në Ankara, ne vlerësuam progresin e shkëlqyer të partneritetit tonë strategjik dhe identifikuam fushat dhe sektorët prioritarë për një bashkëpunim të mëtejshëm akoma edhe më të fortë nën rrethanat gjeopolitike në rajon, në Evropë dhe më gjerë. Si partnerë strategjikë, ne jemi të vendosur të thellojmë marrëdhëniet e shkëlqyera dhe miqësinë e vërtetë mes Shqipërisë dhe Turqisë”, shkruan Hasani në rrjete sociale.