Kryeministri Edi Rama gjatë vizitës së tij në Turqi nuk ka lënë pa komentuar as njohjen e lejeve shqiptare të drejtimit nga autoritetet turke, vendim i cili do të hyjë në fuqi në fillim të pranverës së këtij viti.
Gjatë konferencës së për shtyp bashkë me presidentin Rexhep Tajip Erdogan, Rama u shpreh falënderues për këtë vendim nga ana e shtetit turk, duke shtuar me nuancë humoristike se ndihej “i zhgënjyer” që patentat gjermane u njohën para atyre shqiptare.
“Faleminderit për lejet e drejtimit që juve i miratuat dhe shqiptarët të lëvizini lirisht. Në këtë rast na i miratuat pas Gjermanisë, por e mirëkuptojmë vonesën,” tha Rama.
Në fillim të pranverës, shtetasve shqiptarë që jetojnë në Turqi, do t’ju njihen patentat që kanë marrë në Shqipëri. Kjo do të jetë e vlefshme edhe për shtetasit turq që jetojnë në vendin tonë.
