Një aksident ka ndodhur në orët e para të mëngjesit të sotëm në aksin rrugor Lushnjë-Çermë, duke lënë pas një person të plagosur.

Sipas njoftimit të Policisë, shtetasi B. Z., 65 vjeç, që udhëtonte me biçikletë, është goditur nga një automjet tip Benz, i drejtuar nga shtetasi A. R., 52 vjeç, rreth orës 07:40.

Si pasojë e përplasjes, shtetasi B. Z. është dëmtuar dhe transportuar në spital. Raportohet se ai ndodhet në kujdesin e mjekëve dhe jashtë rrezikut për jetën. Grupi hetimor po vazhdon veprimet në vendngjarje për zbardhjen e plotë të rrethanave të aksidentit.