Pesë të rinj, tre grekë dhe dy shqiptarë, janë arrestuar pasi dhunuan një 21-vjeçar në Selanik. Ngjarja ndodhi mbrëmjen e së hënës në zonën e Kyminës rreth orës 22:00, raportojnë mediat greke.

Për arsye ende të panjohura, të rinjtë kanë sulmuar me grushte dhe shkelma 21-vjeçarin, i cili për pasojë ka marrë plagë në kokë dhe trup dhe është dërguar menjëherë në një spital aty pranë. 21-vjeçari ndodhet në gjendje të rëndë.

Të arrestuarit, në moshën nga 17 deri në 22 vjeç, po hetohen për përdorimin e një objekti si grusht hekuri, që u gjet në vendngjarje.