Aktorja Julia Iliriani, e cila është pjesë e Big Brother, ka rrëfyer një histori të trishtueshme të abuzimit të saj dhe të bijës së saj. Gjatë një bisede me banorët e tjerë në shtëpi, Julia ka treguar se është abuzuar kur ishte fëmijë, rreth moshës 5-6 vjeçare.

Edhe pse nuk e kuptonte në atë kohë çfarë ishte, Julia ka thënë se ndjente një ndjesi të pakëndshme dhe nuk mund t’ia tregonte askujt.

Më tej, ajo ka treguar se fati i saj i keq ka ndjekur edhe të bijën e saj, e cila u abuzua seksualisht nga një person që supozohej të ishte i afërt me ta gjatë periudhës që jetonin në Amerikë.

Julia tha: “Unë nuk kam qenë ndonjëherë në Polici, por kam denoncuar në Polici një rast abuzimi seksual verbal me minoren. Kur kam qenë e vogël, 5-6-vjeç, sigurisht që nuk e kuptoja se çfarë ishte, por e dija që ishte diçka që më vinte në siklet dhe nuk mund t’ia tregoja dikujt. Për fatin e keq, kjo i ka ndodhur edhe të bijës sime kur ne kemi qenë në Amerikë, nga një person i cili ndenji, me demek, afër nesh. Ajo shprehja që ‘të bie qielli mbi kokë’ ka qenë pikërisht në këtë moment dhe pa hezitimin më të vogël unë kam bërë denoncimin“.