Tre persona janë arrestuar si pasojë e operacionit ‘Four’ nga Komisariati i Policisë nr. 4 në kryeqytet, i cili u organizua në kuadër të goditjes së veprimtarive kriminale në fushën e narkotikëve.

Një 31-vjeçar, Llesh Doçi, u zbulua nga shërbimet e policisë në rrugën ‘Rexhep Tarja’ gjatë një kontrolli rutinës, ku u gjetën sasi lënde të dyshuar narkotike. Më tej, u krye një kontroll në banesën e tij, ku u gjetën Lirim Sopoti, 40 vjeç, dhe Xhuliano Marando (Lika), 30 vjeç. Në banesë u sekuestruan dy thasë të zinj me lëndë të dyshuar narkotike kanabis, me një peshë prej 10 kg.

Të tre personat u arrestuan dhe materialet procedurale u kaluan Prokurorisë për veprime të mëtejshme.