Dy makina u dogjën me benzinë në orët e para të ditës së martë në dy lagje të ndryshme të qytetit të Korcës, duke nxitur dyshime për një zjarrvënje të qëllimshme.

Autorë të dyshuar të zjarrvënies janë 4 adoleshentë, të cilët para dy javësh ishin konfrontuar fizikisht me pronarët e këtyre makinave.

Burimet thanë se sherri mes dy grupeve ka nisur për një vajzë dhe më pas ka degjeneruar në grushte e shkatërrim prone me zjarr.

Policia e Korcës ka prangosur 18-vjecarin Kristo Sharko, dy 17-vjecarë dhe një 16-vjecar për dyshimet e zjarrvënies së qëllimshme.

Nga këqyrja e pamjeve filmike dhe tërësia e provave të siguruara dyshohet se këta shtetas, në bashkëpunim me njëri-tjetrin, kanë djegur me zjarr dy makina në lagjet nr 4 dhe nr 14.

Gjatë marrjes në pyetje si të arrestuarit ashtu dhe pronarët e makinave kanë pranuar konfliktin mes tyre.