Një sherr i filluar për një vajzë në Korçë ka çuar në djegien e dy makinave në orët e para të mëngjesit. Pas një konflikti dy javë më parë, të rinjtë janë konfliktuar sërish sot, rezultuar në djegien e makinave.

Policisë e ka arrestuar në flagrancë shtetasin K. Sh., 18 vjeç, dy shtetas 17 vjeç dhe një shtetas 16 vjeç, të dyshuar për veprën e ndodhur në lagjet nr. 4 dhe 14 të Korçës.

Nga dëshmi dhe hetimet, dyshohet se ata kanë bashkëpunuar për djegien me zjarr të dy makinave.

Gjyshja e një prej pronarëve të makinave tregon për momentet e tensionuara dhe reagimin e tyre për të shuar flakët, duke thënë se mjeti u përfshi në flakë gjatë orës së vonë të natës.

Ne po flinim mbrëmë, na lajmëroi komshia, ishte ngritur ajo se ka një fëmijë të vogël. U ngrit për fëmijën kur pa zjarrin. “Shpejt zjarr” na tha neve! Ku ka rënë ky zjarri thamë ne? U ngrit djali pastaj, nipi mori markuçin, e shuajtëm vetë.Një e gjysmë ka qenë ora, nuk e di pse e bënë.Mjeti nuk arriti të digjej plotësisht ndërsa e moshuara thotë së mjetin e ka nipi i saj dhe se ishte në dijeni të një konflikti që nipi kishte me disa moshatarë të tij por nuk dinte për çfarë bëhej fjalë.Asgjë nuk dëgjuam, na njoftoi komshija. E mori në telefon nipin dhe i tha “shpejt se po të digjet makina”.Kishte bërë llafe me ca djemka. Siç bëjnë djemtë.