Një aksident ka ndodhur mbrëmjen e sotme në lagjen nr. 9 pranë Mausoleumit të Dëshmorëve, ku një efektiv i Policisë Rrugore është përplasur nga një automjet tip “Ford”.

Nga përplasja, efektivi Gentian Hoxholli është dëmtuar lehtë në njerën këmbë. Aktualisht ai është në spital për të bërë një grafi të këmbës, ndërsa shoferi i automjetit është ndaluar dhe po merret në pyetje për ngjarjen.

Autoritetet policore raportojnë:

“Rreth orës 19:45, në lagjen nr. 9 Durrës, automjeti me drejtues shtetasin R. A, është përfshirë në një aksident me këmbësorin, shtetasin G. H, (punonjës policie) i cili është në spital, në kujdesin e mjekëve”. Grupi hetimor ndodhet në vendngjarje dhe po punon për sqarimin e rrethanave të aksidentit.