Policia britanike ka arrestuar autorin e vrasjes së 27-vjeçarit shqiptar Bajram Luli, i cili u qëllua me thikë brenda makinës së tij në periferi të Londrës.

Sipas policisë metropolitane londineze, në pranga si autor i vrasjes ka përfunduar Sabin Manda, 31 vjeç.

Bajram Luli u gjet me plagë të rënda me thikë në një makinë të bardhë tip KIA më datë 11 mars, dhe ndërsa u dërgua në spital, nuk mundi dot t’i mbijetonte plagëve dhe ndërroi jetë.

Autoritetet policore publikuan foton e autorit të dyshuar pas ngjarjes dhe ai u arrestua më 21 mars.