Një ngjarje spektakolare e vjedhjes në maj të vitit 2021 në kompaninë “Loomis” në Bremen, Gjermani, doli në dritë pas dy vitesh e gjysmë, kur autoritetet gjermane arrestuan hajduten e parave në aeroportin e Bremenit. Yasemin Guendogan, një 31-vjeçare, u gjet përgjegjëse për këtë veprimtari të jashtëzakonshme.

Puna e saj në kompaninë “Loomis” ishte të paketonte kartmonedhat në kuti, të cilat më pas transportoheshin me makinat e blinduara në bankomate. Por më datë 21 maj, ajo kreu një aksion të vërtetë filmash. Guendogan vendosi të mos paketonte paratë në kuti, por në thasë, dhe pastaj i hodhi ato në një kontejner të mbeturinave. Për të shmangur zbulimin e sasisë së parave, ajo hodhi mbeturinat mbi thasët me para në kontejner.

Në mënyrë të shpejtë, Guendogan i ngarkoi paratë në një automjet tip Mercedes Vito, të cilën e kishte marrë me qira në Berlin dhe që kishte targa të vjedhura. Pas katër ditësh, krimi u zbulua, ndërsa ajo ishte zhdukur pa lënë gjurmë. Fillimisht ajo arratisi jashtë Gjermanisë, drejt Turqisë.

Pas hetimeve të kryera dhe zbulimit të rolit të saj në këtë histori, Guendogan vendosi të dorëzohej tek autoritetet gjermane dhe u vu në pranga në aeroportin e Bremenit, kur u kthye nga Turqia. Tashmë, 31-vjeçarja ndodhet në paraburgim, duke pritur të përballet me drejtësinë për veprën e saj të kryer.