Presidenti Bajram Begaj, në 25-vjetorin e nisjes së operacionit të NATO-s për çlirimin e Kosovës nga gjenocidi serb, shprehu falënderime ndaj Aleancës dhe Shteteve të Bashkuara të Amerikës për kontributin historik për shqiptarët dhe rajonin e Ballkanit.

Ai po ashtu përkujtoi me nderim heronjtë e UÇK-së dhe viktimat e luftës në Kosovë, duke vlerësuar vendimmarrjen që i dha fund fushatës së spastrimit etnik dhe gjenocidit në Kosovë.

Presidenti Begaj theksoi rëndësinë e urtësisë politike dhe vendosmërisë së Aleancës për të luftuar kërcënimet ndaj paqes dhe stabilitetit në rajon.

Ai nënvizoi se prania e NATO-s në Kosovë vazhdon të luajë një rol të rëndësishëm në sigurinë dhe stabilitetin e rajonit, duke ndihmuar në shtetndërtimin demokratik dhe krijimin e një kornize të re të sigurisë.

Presidenti Bajram Begaj u përkujtua edhe sakrificat e kombit shqiptar dhe luftën heroike të UÇK-së, duke e cilësuar atë si piedestalin për kauzën e drejtë të ndërhyrjes në Kosovë.