Presidentja e Kosovës, Vjosa Osmani, sot ka bërë homazhe përpara memorialit të ushtarëve të rënë të NATO-s në 25-vjetorin e bombardimit të NATO-së në Serbi.

Në këtë ngjarje ishin të pranishëm edhe ambasadorët e shteteve të huaja në Kosovë.

Osmani shprehu një falënderim të përjetshëm ndaj NATO-s për ndërhyrjen e tyre në shpëtimin e Kosovës, duke shkruar në Facebook:

“25 vjet më parë, filloi shpëtimi i Kosovës nga shfarosja. Aleancat duhet t’i ruajmë po aq sa edhe lirinë! Faleminderit përjetësisht NATO!”.

Para mediave, Osmani theksoi se 24 marsi ishte një ditë e shpresës së madhe për Kosovën, duke filluar një partneritet të fuqishëm ndërmjet Kosovës dhe botës demokratike.

Ajo falënderoi secilin ushtarë të NATO-s që rrezikuan jetën për të shpëtuar popullin e Kosovës. Osmani beson se shumë shpejt Kosova do të bëhet anëtare e NATO-s dhe do të ndihmojë vendet e tjera, siç është duke bërë edhe sot.