Pas një kohe të gjatë, Partia Demokratike dhe Rithemelimi përplasën në Dibër me takime paralele me strukturat e demokratëve.
Lulzim Basha kritikoi nënkryetarin e Rithemelimit, Gazment Bardhin, për bashkëpunimin me Partinë Socialiste në Kuvend, duke e akuzuar se kanë shitur revolucionin për karriget e tyre.
Marrëveshje Pazar për interesa të ngushta dhe karrige personale, duke prodhuar një fabul të tërë se revolucioni do ta zhbëjë këtë regjim. Pas 6 muajsh sabotim të mirëfilltë dhe të qëllimshëm të opozitarizmit në Kuvend, se qeveria ka vazhduar të kalojë ligjet sa hap e mbyll sytë, pse u dorëzua flamuri i revolucionit. Ata që e premtuan revolucionin i kanë sy përdhe. Dibranët e kanë një thënie, kanë sy përdhe se e kanë të pamundur t’i shpjegojnë një mendje normale si u katandis kokoshi me një thelë. Premtuan revolucion për përmbysjen e Ramës dhe përfunduam 8 me 2 me komisione hetimore, me një ligj të ri që vetëm hetimin parlamentar nuk mundëson”, tha Basha.
Basha ironizoi negociatat e Rithemelimit, duke thënë se ata kanë bërë pazare për interesat e tyre personale.
Kanë hartuar një pakt kundër interesave të shqiptarëve, për interesat e tyre personale. Është nënshtrim i plotë ndaj Edi Ramës. Kanë dobësuar opozitën për të marrë iniciativa hetuese parlamentare përmes një ligji të papranueshëm për komisionet hetimore. I nxjerr zbuluar para shqiptarëve se pazari paska qenë për veten e tyre. Sa kohë kanë këtë në mend nuk na bashkon gjë me ta”, u shpreh Basha.
Sipas Bashës, Rithemelimi është nënshtruar Edi Ramës, duke i dhënë zbulime para shqiptarëve. Nënkryetari i ri i PD-së, Gazment Bardhi, u shpreh se demokratët janë bashkuar rreth Rithemelimit dhe janë gati për betejën e zgjedhjeve të vitit 2025.
“Nëse do të shihni qeverisjen e Ramës, shikoni Rrugën e Arbrit. Rruga është gjysmë e shkatërruar, dhe e painuguruar. Paratë shkojnë te xhepat e ministrave dhe drejtorëve, që më pas me paratë e korrupsionit, vinë dhe blejnë qytetarët”, tha Bardhi.
Çështja e brendshme vijon të ndajë demokratët, por ata akuzuan qeverinë e Ramës për korrupsionin dhe varfërinë e shqiptarëve.
