Vetëdorëzohet në Komisariatin e Policisë ish-drejtori i ALUIZNI Sarandë, Mariel Murati. 47-vjeçari ishte në kërkim me urdhër-ndalimi të Prokurorisë së Sarandës, prej 13 marsit.

Ndaj Muratit rëndojnë dy akuza: “ndërtim i paligjshëm” dhe “falsifikim dokumentash”.

Akuzohet për ndërtimin e paligjshëm dhe falsifikimin e dokumentave inxhinierikë të hotelit të tij 7-katësh në lagjen nr. 4 Sarandë.

Bashkë me Mariel Muratin akuzohen edhe 10 zyrtarë dhe ish-zyrtarë të ASHK, Bashkisë Sarandë dhe IKMT.

Dy prej tyre janë në masë “arrest në shtëpi”, 2 në masë “detyrim paraqitje” dhe “pezullim i ushtrimit të një detyre a shërbimi publik”, 4 në masë “detyrim paraqitje” dhe 1 ende në kërkim.