Grupet e njohura si “Albkings”, të cilat ishin mbyllur nga autoritetet e Kosovës pas arrestimit të dy të rinjve që e administronin me mbi 72 mijë anëtarë, tani janë rikthyer në platformën Telegram.

Edhe Pas mbylljes së tyre, këto grupe vazhdojnë aktivitetin e tyre duke kërcënuar dhe shantazhuar vajzat dhe gratë.

Anëtarët e grupit kërkojnë dhe publikojnë informacione të privatësisë së tyre, duke përfshirë foto pa censurim dhe numra telefoni.

Një pjesë e anëtarëve i përdorin këto grupe për ushtrimin e prostitucionit.

Sociologët e shohin këtë fenomen si një nevojë për mbushje seksuale nga meshkujt dhe këshillojnë gratë të jenë të kujdesshme dhe të raportojnë nëse bien viktima e këtyre sulmeve.

Pas ankesave të shumta nga qytetarët, sektori i krimit kibernetik në Policinë e Tiranës ka njoftuar se do të ketë arrestime të shpejta.

Në Spanjë, Gjykata e Lartë ka bllokuar paraprakisht aplikacionin Telegram pas ankesave të njerëzve për publikimin e materialeve pa leje.