Dritan Gripshi, prokurori i cili udhëhoqi Prokurorinë pranë Gjykatës së Shkallës së Parë të Juridiksionit të Përgjithshëm në Berat, u shkarkua sot (27 mars 2024) nga detyra e tij, pas një vendimi të trupit gjykues të Komisionit të Pavarur të Kualifikimit (KPK).

Trupa gjykuese, e udhëhequr nga Genta Tafa Bungo dhe me relator Suela Zhegu dhe anëtar Roland Ilia, vendosi për shkarkimin e Gripshit, duke pasur parasysh ligjin nr. 84/2016. Gjatë seancës dëgjimore të 25 marsit, Gripshi u kërkua shpjegime për mungesën e burimeve dhe dyshimet për veprime fiktive për të justifikuar shpenzimet e mëvonshme, si dhe për shkeljet e kriterit profesional. Gripshi, gjatë seancës së sotme, tha se provat e paraqitura nga ai nuk kishin asnjë vlerë.

Karriera e Gripshit përfshin një përvojë të gjatë në drejtimin dhe punën si prokuror:

Drejtues i Prokurorisë pranë Gjykatës së Shkallës së Parë të Juridiksionit të Përgjithshëm në Berat (26.03.2021 – 27.03.2024).Prokuror në Prokurorinë pranë Gjykatës së Shkallës së Parë në Berat nga viti 2008 deri në datën e shkarkimit.Prokuror në Prokurorinë pranë Gjykatës së Shkallës së Parë Durrës (2007 – 2008).Prokuror në Prokurorinë pranë Gjykatës së Shkallës së Parë Elbasan nga 16 shtator 1996 deri në vitin 2007.