Një tragjedi ka ndodhur në kryqëzimin e Savrës në aksin Lushnje-Fier, ku një 65-vjeçar humbi jetën pasi u përplas nga një automjet tip Ford ndërsa po kalonte autostradën me një karrocë dore.
Viktima është identifikuar si Hasan Selimi, banues në Savër.
Policia është në vendngjarje për të rregulluar trafikun dhe për të hetuar shkaqet e aksidentit.
Ndërkohë, shoferi i Fordit është shoqëruar në Komisariat për veprime të mëtejshme nga forcat e policisë. Hetimet për ngjarjen janë në vazhdim.
