Raportohet se sot në Turqi u drejtohen qendrave të votimit të paktën 61.5 milionë votues për zgjedhjet lokale.

Pritet që në këto zgjedhje të vendosin për 1,393 kryetarë bashkie, mijëra anëtarë të këshillave bashkiakë, si dhe për drejtuesit lokalë të rretheve dhe fshatrave komunale.

Qendrat e votimit në provincat e lindjes u hapën në orën 07.00 të mëngjesit dhe do të mbyllen në orën 16.00, ndërsa në provincat perëndimore, qytetarët do të votojnë nga ora 08.00 e mëngjesit deri në 17.00 të pasdites.

Fokusi kryesor është në betejën për Stambollin, ku garojnë kryebashkiaku aktual Ekrem Imamoglu dhe Murat Kurum, zgjedhuri i Presidentit Erdogan.

Megjithatë, në opinionin publik kjo garë është perceptuar si një duel mes Erdoganit dhe Imamoglu-t, ku për presidentin turk, rimarrja e bashkisë së Stambollit është një synim jetësor që nga viti 2019.