Aureljo Dervishi, 18-vjeçari që sapo kishte përfunduar punën si ndihmës i babait elektricist, u vra mbrëmjen e 31 marsit pranë rrethrrotullimit të Shkozës në Tiranë. Autori i krimit dyshohet të jetë një prej 4 personave të shoqëruar nga policia, ku njëri prej tyre ka pranuar që ka përdorur thikë.

Gjatë incidentit, ka pasur përplasje verbale dhe akuza midis Aureljos dhe personave që udhëtonin në një makinë “Volkswagen Tiguan”. Situata doli jashtë kontrollit dhe një prej personave nxori thikën, duke goditur drejtpërdrejt në zemrën e Aureljos, i cili humbi jetën rrugës për në spital.

Njeri nga 4 agresorët nxori thikën dhe godet direkt në zemrën e Aureljos, i cili humbi jetën rrugës për në spital.

Autorët me shpejtësi u larguan nga vendi i ngjarjes, përmes Unazës Lindore të Tiranës, në drejtim të Farkës. Ata u kapën këtë mëngjes, 1 prill, në zonë e Farkës. I riu që vetëm pak kohë më parë mbushi 18-vjeç, u përcoll për në banesën e fundit, nga familjarë e miq të tij në Lanabregas, në ‘Rrugën e Luleve’.

“Aurelio ka qenë djalë shumë i mirë. I qëndronte larg sherrit dhe bënte shumë për shoqërinë”, thonë ata.

“Aurelion e takuam gjysmë ore para ngjarjes. Ishte pasagjer në një makinë. Ishte i qetë. Nuk e pamë me kë ishte i shoqëruar” thonë ata.

Aureljo ishte djalë i vetëm i familjes Dervishi, kishte dhe një motër. Me përfundimin e shkollës së mesme, i riu qëndronte pas babait të tij, elektricist, për ta ndihmuar dhe mësuar profesionin. Hetuesit po vazhdojnë marrjen në pyetje edhe të personave të tjerë, në dijeni për ngjarjes.