Në një atmosferë të ndezur dhe emocionuese për një finale, Trepça e Mitrovicës fitoi Ligën Unike në Vlorë pas një sfide të fortë kundër Yllit të Suharekës.

Ndeshja u zhvillua në pallatin e sportit të Vlorës para një audience të madhe, ku tifozë të shumtë shqiptarë nga Kosova kishin ardhur për të mbështetur skuadrat e tyre. Trepça fitoi me rezultatin e ngushtë 67-66.

“Bëmë një lojë të fortë dhe e përgëzoj Yllin për rivalitetin. Finalet gjithmonë janë të vështira,” – tha Drilon Hajrizi, një nga basketbollistët e Trepçës. “Kjo është kupa e tretë që fitojmë me radhë, por për ne ka një kuptim të veçantë. Lidhjet e shumta mes Mitrovicës dhe Vlorës nga kohërat e Isa Boletinit dhe Ismail Qemalit bëjnë këtë kupa më të rëndësishme për ne.”

Edhe pse momenti i ngritjes së trofeut shkaktoi disa probleme teknike kur trofeu u shpërbë në duart e kapitenit të Trepçës, kjo nuk i pengoi ata të festonin triumfin e tyre. Liga Unike, e cila përfshin 8 skuadra – 4 nga Shqipëria dhe 4 nga Kosova, ka si qëllim jo vetëm rritjen e cilësisë së sportit, por edhe bashkimi i dy komuniteteve shqiptare përmes sportit.