Një i ri është arrestuar nga Policia, pasi akuzohet për shitje droge. Burime zyrtare bëjnë të ditur se pas hekurave ra shtetasi me inicialet D. M., 20 vjeç, banues në Durrës.
Në një njoftim zyrtar të Policisë, u bë e ditur se është sekuestruar një sasi lënde narkotike cannabis sativa, e ndarë në doza.
20-vjeçari, i cili posedonte dozat me qëllim për t’i shitur, u vënë në pranga nga autoritetet. Ky arrestim ndodhi si rezultat i punës operacionale me fokus në goditjen e veprimtarive kriminale në fushën e narkotikëve, duke u bazuar në informacionet e siguruara nga inteligjenca policore në kuadër të megaoperacionit antidrogë të koduar “Tempulli 2”.
Specialistët për Hetimin e Narkotikëve të DVP Durrës realizuan arrestimin në flagrancë të shtetasit D. M., 20 vjeç, banues në Durrës.
Gjatë kontrollit fizik, shërbimet e Policisë gjetën dhe sekuestruan një sasi lënde narkotike cannabis sativa, e ndarë në doza, të destinuar për shitje në zona të ndryshme të qytetit.
Materialet procedurale u kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme të ligjshme.
