Nevina Shtylla, si një ndër të ftuarat e para në programin e ri të drejtuar nga Bora Zemani, u pyet për thashethemet rreth organizimit të një dasme. Për të sqaruar gjendjen, ajo bëri të ditur se nuk do të ketë asnjë dasmë, të paktën jo këtë vit.

Në një bisedë me Zemanin, moderatorja tregoi se përpjekjet për organizimin e një dasme i dukeshin shumë të lodhshme për të koordinuar datat, ftesat dhe detajet e tjera. Por ajo shtoi se është e hapur për ta organizuar atë kur të jetë e përshtatshme për të gjithë.

“Më duket shumë angazhim. Unë kam menduar edhe për datat, ka pasur disa data në diskutim po kur mendoj për njerëzit, ftesat, si do sistemohen e të gjitha më duket shumë lodhje. Po ma organizuat ju e bëjmë kur të doni.

Do preferoja të jetoja vetëm. Unë i dua familjarët afër, por kur vjen puna te shtëpia dua të jetoj vetëm. Me vjehrrën kam marrëdhënie shumë të mirë. Ajo më bën kritika për veshjet. Për shembull kjo e fundit nuk i pëlqeu shumë”, deklaroi ajo.

Gjithashtu, Shtylla foli edhe për marrëdhënien me vjehrrën, duke thënë se preferon të jetë vetëm në shtëpi. Megjithatë, ajo shprehu respektin dhe admirimin për vjehrrën e saj, duke treguar për kritikat e saj për veshjet dhe raportin pozitiv që kanë ndërmjet tyre.