Një aksident i rëndë në Brescia të Italisë ka sjellë tronditje, duke shkaktuar humbjen e jetës së një 32-vjeçari shqiptar dhe plagosjen e 7 personave të tjerë. Viktima, e njohur si Ruben Wlodkowski, i lindur në Peschiera, ka humbur jetën pasi makina e tij, një Porche Cayenne, është përplasur me një furgon dhe më pas ka përfunduar në një kanal dhe në një pemë.

Ndërkohë, gruaja e tij gjendet në gjendje të rëndë shëndetësore, ndërsa gjashtë persona të tjerë kanë pësuar lëndime të lehta. Autoritetet italiane po hetojnë ngjarjen, ndërsa hetimet e para sugjerojnë se aksidenti ndodhi pasi Porsche Cayenne po udhëtonte në drejtim të Peschiera-s në via Verona dhe u përplas me një furgon Volkswagen që doli nga via Verdi.

Përplasja ka çuar në humbjen e kontrollit të makinës së 32-vjeçarit shqiptar, duke shkaktuar rrëzimin e saj në kanalin përgjatë Via Verona. Pavarësisht mbërritjes së shpejtë së ndihmës në vendngjarje, për Ruben Wlodkowski nuk mund të bëhej asgjë për shkak të lëndimeve të rënda të marrura.