“Një ‘përplasje’ mes Eglës dhe Julit mbrëmjen e djeshme nuk mund të mungonte. Ata ishin pjesë e debateve ‘të ashpra’ që filluan qysh në fillim të formatit.

Juli i drejtohet Eglës, duke pretenduar për një ndryshim në sjelljen e saj pasi ajo ishte ‘e dënuar’ për gati një javë në dhomën e ‘Torturës së Bardhë’.
“Egla, ke vënë mend për këtë?” – pyeti Juli.

Egla i përgjigjet: “Unë nuk kam vënë mend. Çfarë do të thotë ke vën mënd? A mendon se mund t’i ndryshosh gjërat? Je i ulët! Vazhdo merru me Romeon se s’je për mua!”

Juli përpiqet të shpjegojë: “S’është faji im që je ti kështu, në këtë gjëndje. S’kam çfarë të të bëjë. Nuk të shpëtoj dot!”

Egla e kërkon Julin të largohet prej vendit ku ishte duke qëndruar, duke e lënë atë të qetë.