Champions League solli dy ndeshje të mahnitshme në raundin e parë të çerekfinaleve, ku Atletico Madrid fitoi 2-1 kundër Dortmundit në Madrid, ndërsa Barcelona u mposht 3-2 PSG në Paris. Emocionet nuk munguan, ndërsa skuadrat e vlerësuan përmbysjet e tyre. Tani, vëmendja përqendrohet te ndeshjet e kthimit më 16 prill, ku dy skuadrat që do të kalojnë në gjysmëfinale do të përcaktohen.

Atletico Madrid 2-1 Dortmund/ Djemtë e Diego Simeones hedhin një hap të rëndësishëm në rrugën drejt kalimit të fazës çerekfinale, teksa përfituan nga gabimet e gjermanëve për të fituar 2-1 në “Metropolitano”. De Paul në minutën e katërt dhe Lino në të 32′ shënuan për vendasit. Gjermanët nuk u pajtuan me këtë rezultat dhe shkurtuan me Haller në të 81 minutë, gol me peshë ky në ndeshjen e kthimit në “Iduna Park”.

PSG 2-3 Barcelona/ Dramë dhe emocione në “Parkun e Princave”. Vendasit e Luis Enriques humbën 2-3 ndaj Barcelonës, në duelin me përmbysje dhe ripërmbysje. Raphinha shënoi pas 37 minutave lojë për katalanasit, për ta mbyllur në epërsi pjesën e parë.

Me fillimin e fraksionit të dytë PSG gjeti avantazhin me golat e Dembele dhe Vitinha në minutat 48-të dhe 51. Barcelona më pas u zgjua dhe gjeti barazimin sërish me Raphinhan në të 62 minutë. Braziliani gjeti dy golat e parë në karrierë në Champions League, teksa Christensen i futur dy minuta më parë shënoi golin e tretë për Barçën në të 77 minutë. Kështu, nxënësi Xavi mposhti mësuesin Luis Enrique. Gjithçka për kalimin më tej do vendoset më 16 prill.
Champions League – faza çerekfinale, ndeshjet e para: