Një 38-vjeçar është arrestuar në Shkodër në kuadër të megaoperacionit ‘Vilza 1’. Vladimir Papaj u kap duke lëvizur me motomjet dhe gjatë kontrollit i është gjetur një qese me 625 fara të dyshuara narkotike cannabis sativa.

Operacioni u organizua dhe u finalizua nga specialistët për Hetimin e Krimeve të Komisariatit të Policisë Shkodër, si pjesë e megaoperacionit “Tempulli 2”, që synon parandalimin, konstatimin dhe goditjen e tentativave për kultivimin e bimëve narkotike.

Materialet procedurale janë transferuar në Prokurorinë pranë Gjykatës së Shkallës së Parë të Juridiksionit të Përgjithshëm në Shkodër, për hetime dhe veprime të mëtejshme.