Në protestën e sotme para Bashkisë së Tiranës, ra në sy prania e Argita Berisha, Ilda Zhulali dhe Kleves Balliu, fëmijët e personaliteteve politike të njohur, Sali Berishës, Safet Zhulalit dhe Fahri Balliut. Kjo prani solli komente nga analistët, duke theksuar përpjekjen e tyre për të hyrë në politikë duke shfrytëzuar emrin e familjarëve të tyre.

Protesta e organizuar nga Rithemelimi dhe Aleancës për Mbrojtjen e Teatrit për dorëheqjen e Erion Veliajt, përfundoi në përplasje me policinë para Bashkisë së Tiranës. Protestuesit hodhën molotov, tymuese dhe mollë, ndërsa tentuan të heqin gardhin metalik për të hyrë me forcë në institucion. Situata është e tensionuar dhe ka shkaktuar reagime të ndryshme nga analistët dhe publiku.

Analisti Mero Baze komentoi duke thënë se këta personazhe pa emër po përpiqen të hyjnë në politikë me emrat e baballarëve.

“Vajza e Saliit, vajza e Zhulalit, djali i Fariut protestojnë para bashkisë me parullën “Poshtë fëmijët e baballarëve”. Tani Edi Rama dihet që ka hyrë në politikë nga rruga me këmbët e veta, Erion Veliaj nga rruga, kurse këta s’kanë emër dhe thirren ende me emra të baballarëve”