Gazment Bardhi është përgjigjur Olta Xhaçkës duke i kundërshtuar pretendimet e saj, duke thënë se ai ka frikë të përballet me drejtësinë, sepse e di që mandati i tij është antikushtetues.
“Akuzat i ngriti SPAK, jo opozita. Nuk duhet të ishe deputete. Nuk ka asnjë pretendim që nuk është konfirmuar nga prokuroria. 11 mijë metra pronë publike u grabitën me letra të falsifikuara. Për 5 ditë i kaluan në pronësi bashkëshortit të zonjës.
Nëse zonja pretendon që gjithçka që tha opozita, pse u lidh pas pantallonave të Ramës dhe nuk shkon në GJK? Ne kërkojmë që të shqyrtohet nga drejtësia. Nga drejtësia fshihen kriminelët dhe hajdutët.
Jeni shndërruar në qesharakë, nga halli madh që u ka zënë se s’doni ta dorëzoni para drejtësisë s’dini ca bëni dhe ca flini, askush s’ka shpifur e gënjyer. Ne kemi bërë një mocion, kam shkuar në GJK dhe na ka thënë Olta Xhaçkën duhet ta dorëzoni pranë GJK. Juve zonjë sa kohë besoni në drejtësinë, pse fshiheni pas votës së Ramës. Hajde shkojmë në GJK, ta vendosë GJ. Pse fshiheni nga drejtësia, ju që keni luftuar kaq shumë për drejtësinë. E ka thënë e zeza mbi të bardhë, vlefshmërinë e mandatit e verifikon GJK. Mandatin e ke antikushtetues e të paligjshëm”, tha Bardhi.
