Në një lëvizje të madhe diplomatike, Bashkimi Evropian po bën rotacionin e madh të ambasadorëve të tij nëpër botë. Listën e emrimeve, të cilat tashmë janë të njohura, ua ka dërguar vendeve anëtare Sekretari i Përgjithshëm i Shërbimit të Veprimit të Jashtëm të BE-së, Stefano Sanino, nën emrin e Kryediplomati Josep Borrell.

Në listën e re të emrimeve, bëjnë pjesë edhe ndryshime të rëndësishme në postet që kanë të bëjnë me vendet e Ballkanit Perëndimor.

Lehtësuesi aktual i dialogut mes Kosovës dhe Serbisë, Mirosllav Lajçak, është emëruar nga Borrell si ambasador i BE-së në Zvicër, duke lënë një pozitë të hapur në dialogun mes dy vendeve ballkanike.

Në kuadër të kësaj lëvizjeje, diplomati italian Luigi Soreca, që ka përvojë si ambasador i BE-së në Shqipëri, do të marrë drejtimin e delegacionit të BE-së në Sarajevë, ndërsa ambasadori aktual Johann Sattler do të zhvendoset në Mal të Zi.

Ndryshime të tjera të rëndësishme në postet diplomatike të BE-së përfshijnë emërimin e ambasadorit të BE-së në Maqedoninë e Veriut, Rokas Michalis, një diplomat grek me përvojë të mëparshme në Meksikë.

Kjo lëvizje bën pjesë në përpjekjet e BE-së për të koordinuar politikën e saj të jashtme nëpër botë, duke përfshirë edhe angazhimin në Ballkanin Perëndimor.