Sekretari amerikan i Shtetit, Antony Blinken, ka biseduar me kryeministrin dhe ministrin e Jashtëm të Katarit, Al Thani, për të diskutuar sulmin e Iranit ndaj Izraelit. Dy liderët theksuan nevojën për një reagim koordinuar diplomatik dhe shmangien e përshkallëzimit të situatës.

Pas sulmit të paprecedentë të Iranit ndaj Izraelit, Presidenti Biden u koordinua me aleatët dhe partnerët e G7 për të vendosur sanksione të reja”, tha këshilltari i Sigurisë Kombëtare i SHBA-së, Jake Sullivan.

Shtetet e Bashkuara dhe Bashkimi Evropian po shqyrtojnë mundësinë për të vendosur sanksione të reja ndaj Iranit, pas sulmit të paprecedentë. Presidenti Biden u koordinua me aleatët dhe partnerët e G7 për të vendosur sanksione të reja, tha këshilltari i Sigurisë Kombëtare, Jake Sullivan.

Sekretarja e Thesarit, Janet Yellen, ka paralajmëruar veprime në ditët në vijim, ndërsa shefi i politikës së jashtme të BE-së, Josep Borrell, tha se blloku po punonte për këtë. Izraeli ka kërkuar që aleatët e tyre të sanksionojnë programin raketor të Iranit.

Sanksionet e SHBA dhe BE do të prekin programin e raketave dhe dronëve, entitetet që mbështesin Korpusin e Gardës Revolucionare Islamike dhe Ministrinë iraniane të Mbrojtjes. Shtetet e Bashkuara do të punojnë për të forcuar mbrojtjen ajrore dhe raketore në Lindjen e Mesme dhe do të kërkojnë llogari nga qeveria iraniane për veprimet e saj të dëmshme dhe destabilizuese.

“Shtetet e Bashkuara gjithashtu do të vazhdojnë të punojnë në të gjithë Departamentin e Mbrojtjes dhe Komandën Qendrore për të forcuar dhe zgjeruar më tej mbrojtjen ajrore dhe raketore në të gjithë Lindjen e Mesme” dhe nuk do të “ngurrojnë të ndërmarrin veprime, në koordinim me aleatët dhe partnerët në të gjithë botën për të kërkuar llogari nga qeveria iraniane për veprimet e saj të dëmshme dhe destabilizuese”, tha Sullivan.