Bashkia e Mirditës ka nisur një projekt të financuar nga Komisioni Europian për të ulur kostot e energjisë për institucionet publike duke përdorur energji të rinovueshme. Kjo masë synon të reduktojë konsumin e energjisë deri në 70% dhe të zvogëlojë pavarësinë e bashkisë ndaj tregut të energjisë.

Kreu i Bashkisë Mirditë, Albert Melyshi, shprehu se ulja e faturës së energjisë, e cila aktualisht kap një vlerë rreth 170 mijë euro, do të lejojë rialokimin e këtyre fondeve për nevoja të tjera të bashkisë.

Projekti përfshin vendosjen e sistemeve fotovoltaike në institucione si bashkia, qendrat shëndetësore dhe shkollat, me qëllim për të zgjeruar përdorimin e energjisë së rinovueshme në të ardhmen. Investimi nga fondet e Komisionit Europian për këtë projekt kap një vlerë prej 500 mijë euro për Bashkinë e Mirditës.

Përfaqësuesi i Co Plan, Elvis Ndreka, beson se kjo masë do të ndikojë dhe do të rrisë efikasitetin e energjisë në bashki.