Mediat e huaja raportojnë se aktori me famë ndërkombëtare Leonardo DiCaprio ka marrë rolin e legjendës së muzikës Frank Sinatra në filmin biografik të ri të regjisorit të njohur Martin Scorsese.
Jennifer Lawrence do të luajë rolin e Ava Gardner në këtë film, duke bashkëpunuar sërish me DiCaprio, me të cilin kishte punuar më parë në filmin “Don’t Look Up”.
DiCaprio dhe Scorsese kanë pasur një bashkëpunim të suksesshëm në disa filma të mëparshëm, duke sjellë produkte të shquara si “Gangs of New York”, “The Aviator”, “The Departed”, “Shutter Island” dhe “The Wolf of Wall Street”. Filmi i tyre i fundit, “Killers of the Flower Moon”, ka qenë një sukses i madh, duke u nominuar për 10 çmime Oscar muajin e kaluar.
