Kongresi amerikan ka miratuar një projektligji, i cili parashikon se asetet e konfiskuara ruse do të shkojnë në dispozicion të Ukrainës. Kryedemokrati Lulzim Basha përgëzoi këtë vendim, ndërsa ka ndarë foto edhe me kongresmenët nismëtarë të këtij projektligji.

Basha shprehet se është nder dhe privilegj që ai vetë ka pasur ndihmën dhe mbështetjen e tyre në këtë proces në Këshillin e Evropës.

“Lajm i shumëpritur nga Washingtoni. Kongresi Amerikan sapo votoi projektligjin për konfiskimin e aseteve të ngrira të Federatës Ruse dhe vendosjen e tyre në dispozicion të Ukrainës. Përgëzime dhe mirënjohje ligjvënësve amerikanë, e në veçanti nismëtarëve të këtij projektligji, Congressman French Hill dhe kryetarin e Komitetit për Punët e Jashtme Michael McCaul. Nder dhe privilegj që edhe unë kam patur ndihmën dhe mbështetjen e tyre dhe miqve amerikanë në këtë proces jetik për Ukrainën në Këshillin e Europës”, shkruan Basha.